सुनको मूल्य ओरालो लाग्दै गएको छ। सुनचाँदी व्यवसायी महासंघले जनाएअनुसार मंगलबार सुनको मूल्य प्रतितोला ८ सय रुपैयाँ घटेको छ। सोमबार प्रतीतोला ७० हजार रहेको सुन आज ६९ हजार २ सय पुगेको छ। तेजावी सुनको मूल्य ६८ हजार ९ सय पुगेको छ।
यस्तै चाँदीको मूल्य पनि घटेको छ। सोमबारको तुलनामा चाँदीको मूल्य प्रतितोला १५ रुपैयाँ घटेर ८ सय २५ पुगेको हो।
अन्तर्राष्ट्रिय बजारमा सुनको भाउ घटेका कारण नेपाली बजारमा पनि ओरालो लागेको हो।
अहिले अन्तर्राष्ट्रिय बजारमा प्रतिऔंस सुनको मूल्य १४ सय ६४ मा झरेको छ। सोमबार सो मूल्य १४ सय ९० को आसपास थियो।
