तीन दिनदेखि घट्दोक्रममा रहेको सुनको मूल्य बुधबार पनि प्रतितोला ६ सयले घटेको छ।
आजका लागि सुनको मूल्य प्रतितोला ७० हजार २ सयमा कायम भएको छ।
मंगलबार सुनको मूल्य प्रतितोला ७० हजार ८ सयमा कायम थियो।
तेजाबी सुनको मूल्य पनि ६ सयले घटेको नेपाल सुनचाँदी व्यवसायी महासंघले जनाएको छ।
मंगलबार ७० हजार ५ सयमा कायम भएको तेजाबी सुनको मूल्य बुधबार प्रतितोला ६९ हजार ९ सयमा कारोबार भइरहेको छ।
आजका लागि चाँदीको मूल्य प्रतितोला २० रुपैयाँले घटेर ८ सय ४५ रुपैयाँमा कायम भएको छ।
मंगलबार चाँदीको मूल्य प्रतितोला ८ सय ६५ रुपैयाँमा कारोबार भएको थियो। हाल अन्तर्राष्ट्रिय बजारमा सुनको मुल्य प्रति औंस १४ सय ८६ अमेरिकी डलरमा कारोबार भइरहेको छ।
