आइतबार सुनको मूल्य बढेको छ। शुक्रबार प्रतितोला ७५ हजार ६ सयमा कारोबार भएको छापावाला सुन आइतबार ४ सयले बढेर ७६ हजार पुगेको हो।
सुनचाँदी व्यवसायी महासंघले अन्तर्राष्ट्रिय बजारमा सुनको मूल्य बढेकाले नेपाली बजारमा पनि बढेको बताएको छ।
यस्तै तेजावी सुनको मूल्य पनि बढेको छ। आज प्रतितोला ७५ हजार ७ सयमा तेजावी सुनको कारोबार भइरहेको छ।
शुक्रबारको तुलनामा चाँदीको मूल्य भने घटेको छ। चाँदीको मूल्य प्रतितोला ५ रुपैयाँ घटेर ८ सय ८० कायम भएको छ।
