नेपाली बजारमा सुनको मूल्यमा दिनदिनै रेकर्ड कायम भइरहेको छ। नेपाली बजारमा सुनको भाउको नयाँ कीर्तिमान बनेपनि विश्वबजारमा भने सन् २०११ कै मूल्य छुन सकिरहेको थिएन।
तर आज भने विश्व बजारमा पनि सुनको मूल्यमा नयाँ कीर्तिमान कायम भएको छ। योसँगै ९ वर्ष पहिलेको उच्च मूल्यको रेकर्ड तोडिएको छ।
विभिन्न सञ्चारमाध्यमहरुका अनुसार विश्व बजारमा सुनको मूल्य प्रति आउन्स १९३९ अमेरिकी डलर कायम भएको छ। यसअघि सुनको मूल्य प्रति आउन्स १९२२ डलर थियो।
अमेरिका चीनको ब्यापार द्वन्द,कोरोना भाइरसका कारण लगानीका अन्य स्रोतहरु भरपर्दा नहुनु जस्ता कारणले सुनको भाउ आकासिएको बताइएको छ।
