मंगलबार सुनको मूल्य एकैदिन ९ सयले बढेर ९८ हजार ४ सयमा कायम भएको छ।
सोमबार सुन प्रतितोला ९७ हजार ५ सयमा कारोबार भएको थियो। त्यसैगरी चाँदीको मूल्य पनि ३० रुपैयाँले बढेर आज १३ सय ९५ रुपैयाँमा कारोबार भइरहेको सुनचाँदी व्यवसायी महासंघले बताएको छ।
सोमबार चाँदी १३ सय ६५ रुपैयाँमा कारोबार भएको थियो।
आज अन्तर्राष्ट्रिय बजारमा सुन प्रतिऔंस १ हजार ९ सय ८६ अमेरिकी डलरमा कारोबार भइरहेको छ। हाल अन्तर्राष्ट्रिय बजारमै सुनको मूल्य घटबढ भइरहको छ।
