नेपाली बजारमा शुक्रबार सुनको भाउ तोलामा ३ सय रुपैयाँले बढेको छ।
नेपाल सुनचाँदी व्यवसायी महासंघका अनुसार बिहीबार तोलाको ९२ हजार ६ सयमा किनबेच भएको छापावाल सुनको भाउ आज (शुक्रबार) ९२ हजार ९ सय रुपैयाँ पुगेको हो। यस्तै तेजावी सुनको भाउ ९२ हजार ४ सय ५० रुपैयाँ कायम भएको छ।
यसैगरी शुक्रबार चाँदीको भाउ १ हजार २ सय १० रुपैयाँमा कारोबार भइरहेको छ। यो बिहीबारको तुलनामा ५ रूपैयाँ बढी हो।
अन्तर्राष्ट्रिय बजारमा सुन प्रतिऔंस १८ सय ४१ अमेरिकी डलरमा कारोबार भइरहेको छ।
