साताको कारोबारको पहिलो दिन आइतबार सुनचाँदीको मूल्य सामान्य बढेको छ।
शुक्रबार प्रति तोला ९० हजार रुपैयाँमा कारोबार भइरहेको सुन आज ६ सय रुपैयाँले बढेर प्रतितोला ९० हजार ६ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ।
यस्तै तेजावी सुन प्रतितोला ९० हजार १ सय ५० रुपैयाँमा कारोबार भइरहेको छ। यता चाँदीको मूल्य पनि बढेको छ। चाँदी प्रतितोला २० रुपैयाँले बढेर आज १३ सय १० रुपैयाँमा कारोबार भइरहेको महासंघले जनाएको छ।
