आज सुन प्रतितोला ७ सय रुपैयाँले घटेर ९१ हजार छ सय रुपैयाँमा कारोबार भइरहेको छ। सुनचाँदी व्यवसायी महासंघकाअनुसार बुधबार सुन प्रतितोला ९२ हजार तीन सय रुपैयाँमा कारोबार भएको थियो।
अघिल्लो दिनको तुलनमा आज सुनको मूल्य घटेको हो।
त्यसैगरी आज बजारमा चाँदीको मूल्य प्रतितोला १२ सय २५ रुपैयाँमा कारोबार भइरहेको छ। बुधबार भने चाँदी प्रतितोला १२ सय ३५ रुपैयाँमा कारोबार भएको थियो।
अन्तर्राष्ट्रिय बजारमा समेत सुनको मूल्य घटेको छ। आज अन्तर्राष्ट्रिय बजारमा सुन प्रतिऔंस १७ सय ९३ अमेरिकी डलरमा कारोबार भइरहेको छ।
