सोमबार सुन-चाँदीको मूल्य घटेको छ।
आज सुन प्रतितोला एक लाख पाँच सय रुपैयाँमा कारोबार भइरहेको छ। त्यस्तै, चाँदी प्रतितोला १३ सय ८० रुपैयाँमा कारोबार भइरहेको छ।
सुनचाँदी व्यवसायी महासंघका अनुसार अघिल्लो दिनको तुलनामा सोमबार सुन प्रतितोला चार सय र चाँदी २० रुपैयाँले घटेको हो।
आइतबार सुन प्रतितोला एक लाख नौ सय रुपैयाँमा कारोबार भएको थियो। त्यस्तै, चाँदी प्रतितोला १४ सय रुपैयाँमा कारोबार भएको थियो।
आज अन्तर्राष्ट्रिय बजारमा पनि सुनको मूल्य घटेर प्रतिऔंस १९ सय ३५ अमेरिकी डलरमा कारोबार भइरहेको छ।
