आज सुनको मूल्य बढेको छ भने चाँदीको घटेको छ।
अघिल्लो दिनको तुलनामा बिहीबार सुन प्रतितोला तीन सय रुपैयाँ बढेको हो। आज सुन प्रतितोला एक लाख नौ सय रुपैयाँमा कारोबार भइरहेको छ। सुनचाँदी व्यवसायी महासंघका अनुसार बुधबार सुन प्रतितोला एक लाख ६ सय रुपैयाँमा कारोबार भएको छ।
त्यस्तै, आज चाँदी प्रतितोला १३ सय ८० रुपैयाँमा कारोबार भइरहेको छ। अघिल्लो दिन चाँदी प्रतितोला १३ सय ८५ रुपैयाँमा कारोबार भएको थियो।
आज अन्तर्राष्ट्रिय बजारमा भने सुन प्रतिऔंस १९ सय ५१ अमेरिकी डलरमा कारोबार भइरहेको छ।
