साताको पहिलो दिन आज सुनको मूल्य प्रतितोला चार सय रुपैयाँ घटेको छ।
आइतबार सुन प्रतितोला एक लाख पाँच सय रुपैयाँमा कारोबार भइरहेको छ। सुनचाँदी व्यवसायी महासंघका अनुसार अघिल्लो साताको शुक्रबार सुन प्रतितोला एक लाख नौ सय रुपैयाँमा कारोबार भएको थियो।
आइतबार चाँदीको मूल्य भने प्रतितोला १३ सय ६० रुपैयाँमा कारोबार भइरहेको छ। अघिल्लो साताको शुक्रबार पनि चाँदी सोही मूल्यमा कारोबार भएको थियो।
आज अन्तर्राष्ट्रिय बजारमा भने सुनको मूल्य घटेर प्रतिऔंस १९ सय ३२ अमेरिकी डलरमा कारोबार भइरहेको छ।
