बुधबार नेपाली बजारमा सुन-चाँदीको मूल्य बढेको छ।
नेपाल सुनचाँदी व्यवसायी महासंघका अनुसार आज छापाबाल सुन प्रतितोला ९४ हजार र तेजाबी सुन ९३ हजार ५०० रुपैयाँमा कारोबार भइरहेको छ।
यो मूल्य अघिल्लो दिनको तुलनामा २०० रुपैयाँले बढेको हो। मंगलबार छापाबाल सुन प्रतितोला ९३ हजार ८०० रुपैयाँ र तेजाबी सुन प्रतितोला ९३ हजार ३०० रुपैयाँमा कारोबार भएको थियो।
त्यसैगरी, बुधबार चाँदी प्रतितोला ११ सय ६५ रुपैयाँमा कारोबार भइरहेको छ। अघिल्लो दिनको तुलनामा आज चाँदीको मूल्य प्रतितोला ५ रुपैयाँले बढेको हो।
आज अन्तर्राष्ट्रिय बजारमा भने सुन प्रतिऔंस १७ सय १० अमेरिकी डलरमा कारोबार भइरहेको छ।
