आइएमई ग्रुपअन्तर्गत संचालित आइएमई मोटर्सद्वारा प्रवद्र्धित अशोक लेलैण्डले कपिलबस्तुस्थित शिवराज नगरपालिकालाई बारुण यन्त्र (दमकल) दिएको छ।
दमकल नेशनलफायर सेफ र आइएमई मोटर्सको संयुक्त प्रयासमा नगरपालिकालाई उपलब्ध गराइएको हो।
शिवराज नगरपालिकाका प्रमुख नेत्रराज अधिकारीलाई उक्त दमकल आइएमई मोटर्सका कर्पोरेट सेल्स हेड सुशिल राणाथापाले हस्तान्तरण गरे।
हस्तान्तरण कार्यक्रममा नगर प्रमुख अधिकारीले आफ्नो नगरपालिकामा पहिलो पटक दमकल पाउँदा अत्यन्त खुशी लागेको बताए।
उक्त दमकलमा चार हजार लिटर पानी अट्ने क्षमता छ। साथै ५०० लिटर फोम भर्न सकिन्छ।
