बलिउड अभिनेता बिक्की कौशलले रेन्ज रोवर किनेका छन्। भिक्कीले आइतबार आफ्नो सामाजिक सञ्जालमा फोटो पोस्ट गर्दै यसबारे जानकारी गराएका हुन्।
बिक्कीले इन्स्टाग्रामममा गाडीको छेवैमा उभेर खिचेको फोटोसँगै क्याप्सनमा लेखेका छन्, ‘घरमा स्वागत छ साथी! यो अत्भुत अनुभवको लागि नभ्नित मोटर्स ज्याग्वार ल्यान्ड रोवर मुम्बईंलाई धन्यवाद।’
उक्त फोटोमा प्रतिक्रिया जनाउँदै फिल्म ‘ऊरीः द सर्जिकल स्ट्राइक’का निर्देशक आदित्य धारले लेखेका छन्, ‘सर्टगन! बधाई छ मेरो भाइ। अझै मिहिनेत गर्दै जानु र सफलता कमाउदै जानु।’ सन् २०१९ मा सार्वजनिक यो फिल्ममा बिक्कीको मुख्य भूमिकामा अभिनय छ।
बिक्कीको फोटोमा जगराज राव, जयदिप अलावत, सयानी गुप्तालगायत अन्य कलाकारले पनि प्रतिक्रिया दिएका छन्। उनीहरूले विशेष गाडीको प्रशंसा गरेका छन्।
रेन्ज रोवर बिट्रिस लक्जरी कार ब्रान्ड हो। यो पाँच सिटर एसयुभीको मूल्य भारु २ करोड ४० लाखदेखि ४ करोड ३८ लाख रूपैयाँसम्म पर्छ। जुन आठ भेरियन्टमा उपलब्ध छ।
बिक्की कौशलसँगै प्रायः बलिउड कलाकारहरू लक्जरियस र महंगा गाडीको कलेक्सनमा शौखिन छन्। रेन्ज रोवरभन्दा अघि नै बिक्कीसँगै मर्सिडिज बेन्ज जिएलसी र बिएमडब्ल्यू एक्स ५ छ।
