नेपाली इ कमर्स ग्यापु मार्केटप्लेसले इलेक्ट्रोनिक्स सामानलाई लक्षित गर्दै ‘लकडाउन ह्याङ्गओभर सेल’ को घोषणा गरेको छ।
जुलाइ ७ देखि १३ (असार २३ देखि २९) सम्म चल्ने सेलमा इलेक्ट्रोनिक्स सामानमा ४० प्रतिसत सम्म छुट उपलब्ध हुने ग्यापुका संस्थापक ज्ञानेन्द्र खडकाले जानकारी दिए।
लोकप्रिय ब्रान्डका टिभी, वासिङ मेसिन, पङ्खा, कुलर, एसी, मोबाइल लगायतका सामान अफरमा उपलब्ध हुनेछन्। अफर अवधिमा सपिङ गर्ने मध्ये भाग्यशाली ग्राहकलाई विभिन्न आकर्षक उपहारहरु प्रदान गरिने खड्काले बताए।
डिजिटल वालेट प्रभु पे, इ सेवा साथै मेघा बैंक, एनएमबि बैंकको कार्ड मार्फत भुक्तानी गर्ने ग्राहकलाई विभिन्न उपहार रहेको कम्पनीले बताएको छ।
ग्यापुमा सपिङ गर्न मोबाइल एप वा कम्पनीको वेबसाईट मार्फत अर्डर गर्न सकिन्छ।
ग्यापुले यो साल भित्रमा मोबाइल एप डाउनलोड गर्नेहरु मध्ये एकजनालाई नयाँ कार उपहार दिने घोषणा गरिसकेको छ।
