विद्युत विकास विभागका नवनियुक्त महानिर्देशक सन्दीपकुमार देवले विद्युत विकास विभाग सदैव ऊर्जा उत्पादकहरूको र विद्युत उत्पादनमा सहजीकरण गर्न तत्पर रहेको प्रतिबद्धता जनाएका छन्।
स्वतन्त्र ऊर्जा उत्पादकको संस्था, नेपाल (इपान) को टोलीले गरेकाे बधाइ तथा शुभकामना कार्यक्रममा देवले विषम परिस्थिति कोरोना महामारीले हाइड्रोपावरलाई परेको असरमा गम्भीरतापूर्वक लिएको बताए।
कोरोना संक्रमणको कारणले आएका समस्या समाधानमा पहल गर्न इपानले ध्यानाकर्षण समेत गराएको थियो।
