आइएमई मोटर्सले डुम्रे, तनहुँस्थित सिजन युवा क्लबलाई एम्बुलेन्स दिएको छ।
एक कार्यक्रमबीच दोस्त मोडलमा निर्मित एम्बुलेन्स हस्तान्तरण गरिएको हो।
कार्यक्रममा बोल्दै तनहुँ जिल्ला उद्योग वाणिज्य महासंघका निवर्तमान अध्यक्ष मानकाजी श्रेष्ठले डुम्रेमा सुविधायुक्त एम्बुलेन्स पाउँदा खुसी व्यक्त गरे। जसबाट आपतकालीन स्वाथ्य सेवामा पहुँच पुग्ने विश्वास लिइएको छ।
श्रेष्ठले युवा क्लबलाई एम्बुलेन्स खरिद गर्न विशेष सहयोग गर्ने सबैलाई धन्यवादसमेत व्यक्त गरे।
आइएमई मोटर्सले एम्बुलेन्स, दमकल, मोर्टर्युरी भ्यान, ट्रक, स्कुल बसलगायत बिक्री गर्दै आएको छ।
