होम डेलिभरी प्ल्याटफर्म लाटोकोसेरो डटकमले चाडपर्वको अवसर पारेर सरप्राइज होम डेलिभरी प्याकेज ल्याएको छ।
योजना अनुसार लाटोकोसेरोले बुवाको मुख हेर्ने दिन र नजिकिँदै गरेको तीजको अवसरमा दिदीबहिनीलाई मन पर्ने खाना खाजा, बेकरी तथा केक डेलिभरीको व्यवस्था मिलाएको छ।
लाटोकोसेरोले काठमाडौं, भक्तपुर र ललितपुरका लागि २४ घन्टा होम डेलिभरी सेवा दिइरहेको छ। होम डेलिभरी प्ल्याटफर्म मार्फत संसारको जुनसुकै ठाउँमा रहेकाले काठमाडौंमा रहेका आफ्नो आफन्तलाई सरप्राइज खाजा, खाना, बेकरी तथा पेयपदार्थहरु दिन सक्नेछन्।
लाटोकोशेरोले भिन्न रुपमा परिचित गराउन सुपथ दर र छिटो सेवा दिने प्रतिबद्धता राखेको छ। यो एक अनलाइन खाना डेलिभरी सेवा हो। ग्राहकको अर्डर अनुसार हरेक खाना २४ सै घण्टा डेलिभर गर्ने बताइएको छ। लाटोकोशेरोमा उपलब्ध हुने खानाका परिकारहरु फेसबुक पेज अथवा भाइबरबाट अर्डर गर्न सकिन्छ।
उपत्यकामा भएका आफन्तहरुलाई जन्मदिन अथवा अन्य कुनै शुभ अवसरमा खानेकुरा, पेयपदार्थ तथा बेकरीका लगायतका सामान सोझै डेलिभरी गरिने गरी अग्रिम अर्डर र भुक्तानी गर्न सकिने लाटोकोसेरोले बताएको छ।
