प्रिमियर इन्टरनेशनल आइबि वल्र्ड स्कुल सातदोबाटो खुमलटारले विद्यालय साझेदारी शीर्षकअन्तर्गत आज ललितपुर महानगरपालिकाका आधारभूत विद्यालयहरुलाई शैक्षिक सामग्री दिएको छ।
महानगरपालिकाका मेयर चिरीबाबु महर्जनको प्रमुख आतिथ्यता तथा विद्यालय व्यवस्थापन समितिका अध्यक्ष वसन्त थापाको सभापतित्वमा कार्यक्रम आयोजना गरिएको थियो।
कार्यक्रममा विद्यालयले गर्ने आगामी कार्यक्रमहरुको बारेमा प्रकाश पार्दै विद्यालयकी निर्देशिका पवित्र लिम्बुले स्वागत मन्तव्य राखिन्।
कार्यक्रममा बोल्दै ललितपुर प्याब्सनका अध्यक्ष निरोज महर्जनले नीजि र सामुदायिक विद्यालयबीच सहकार्य हुनुपर्ने बताए।
महानगरपालिकाको शिक्षा महाशाखा प्रमुख महेन्द्र क्षेत्रीले यस्तो कार्यक्रमले आधारभूत विद्यालयलाई प्रविधिमैत्री बनाउन सहज हुने विश्वास व्यक्त गरे।
कार्यक्रममा बोल्दै मेयर महर्जनले ललितपुर महानगरपालिका शैक्षिक राजधानीका रुपमा स्थापित रहेको बताए।
1642001721.jpeg)
