नेपाल घुम्न आउने विदेशी पर्यटकको संख्या बढ्न थालेको छ। कोरोना माहारीका कारण घटेको पर्यटकको संख्या बढ्न थालेको हो।
सन् २०२२ को फेब्रुअरी महिनामा १९ हजार बढी विदेशी पर्यटक नेपाल भ्रमणमा आएका छन्। नेपाल पर्यटन बोर्डले उपलब्ध गराएको अध्यागमन विभागको तथ्याङ्कअनुसार १९ हजार ७ सय ६६ पर्यटक भ्रमणका लागि आएका हुन्।
यो संख्या अघिल्लो वर्षको तुलनामा ११६.१ प्रतिशतले बढी हो। अघिल्लो वर्षको फेब्रुअरीमा ९ हजार ४ सय १६ जना पर्यटक भ्रमणका लागि आएका थिए।
तथ्याङ्कअनुसार सबैभन्दा धेरै भारतबाट ५ हजार ९ सय ९८ जना पर्यटक नेपाल आएका छन्। त्यस्तै अमेरिकाबाट ३ हजार १ सय ९५, बेलायतबाट २ हजार २ हजार २ सय १७, अष्ट्रेलियाबाट एक हजार ५२, बंगलादेशबाट ८ सय ८८, जर्मनीबाट ६ सय ४२ फ्रान्सबाट ५ सय २९ जना पर्यटक भित्रिएका छन्।
