प्रधानमन्त्री शेरबहादुर देउवाले गृहजिल्ला डडेल्धुरामा चुनावी प्रचार थालेका छन्।
बिहीबार डडेल्धुरा आयोजित चुनावी सभामा देउवाले चुनावमा जिते आफू फेरि प्रधानमन्त्री हुने बताए।
'यहाँहरूको सहयोगले नै म देशको प्रधानमन्त्री भइसकेको छु,' देउवाले भने,'मैले जिते प्रधानमन्त्री हुन्छु अरूले जिते माननीय मात्र हुन्छन्। माननीयलाई जिताउने कि प्रधानमन्त्रीलाई जिताउने तपाईंहरूको हातमा छ।'
उनले आफूले डडेल्धुराको नाम देशविदेशमा फैलाएको बताए।
यसअघि आजै धनगढीमा आयोजित पत्रकार सम्मेलनमा देउवाले ज्योतिषले आफूलाई सात पटक प्रधानमन्त्री बन्छौ भनेको उल्लेख गर्दै फेरि पनि आफू प्रधानमन्त्री बन्ने दाबी गरेका थिए।
