रोल्पामा पूर्वसभामुख ओनसरी घर्तीको सवारी नजिकै विस्फोट भएको छ।
प्युठानबाट रोल्पाको लिवाङ जाँदै गरेकी घर्तीको गाडी रोल्पा नगरपालिका १ भदौरे जंगलमा पुग्दा रोडभन्दा केही पर विस्फोट भएको हो।
'साढे १२ बजेतिर उहाँहरू त्यहाँ पुग्दा नजिकै जंगलमा विस्फोट भएपछि प्रहरीले २ राउन्ड हवाई फायर गरेको छ,' रोल्पाका प्रहरी प्रमुख डिएसपी ज्ञानेन्द्र फुयाँलले भने,'उहाँहरूलाई केही भएको छैन।'
गत शनिबार घर्तीका पति एंव माओवादी नेता वर्षमान पुनलाई लक्षित गरी बम प्रहार भएको थियो।
आजै नुवाकोटमा कांग्रेस नेता रामशरण महतको चुनावी टोलीमाथि बम प्रहार हुँदा तीन जना घाइते भएका छन्।
