ललितपुरको लगनखेलमा वाम गठबन्धनको चुनावी सभालाई लक्षित गरी मंगलबार दिउँसो बम विस्फोट भएको छ।
विस्फोटबाट मानवीय क्षति भएको छैन । स्थानीय नमूना मछिन्द्र आवासीय माध्यमिक विद्यालयका झ्यालको सिसा फुटेको छ । विस्फोटको आवाजले सर्वसाधारण आतंकित बनेका छन् ।
विद्यालय नजिक भएको विस्फोटका कारण जमिन खाल्डो परेको छ । विस्फोट लगत्तै पुगेको नेपाली सेनाले घटनाबारे अनुसन्धान गरिरहेको छ। घटनाको कसैले जिम्मा लिएको छैन ।
लगनखेल बसपार्क नजिक आयोजना गरिएको सभाको प्रमुख वक्ता एवं नेकपा एमालेका अध्यक्ष केपी ओलीले सम्बोधन गर्ने क्रममा बम विस्फोट भएको प्रहरीले जनाएको छ। बम बिस्फोट भएपछि कार्यक्रम केहीबेर रोकिएको थियो।
कार्यक्रममा ओलीले यस्ता सानातिना घटनाले निर्वाचन नरोकिने दाबी गरे। उनले निर्वाचनको विरोध गरेर विनाशको बाटोमा नलाग्न नेकपा लगायतलाई आग्रह गरे ।
[caption id="attachment_109311" align="alignnone" width="968"]
बम विस्फोटबाट लगनखेलको नमूना मछिन्द्र आवासीय माध्यमिक विद्यालयको झ्यालको फुटेको सिसा ।[/caption]
