नेकपा एमाले सचिवसमेत रहेका योगेश भट्टराईले ताप्लेजुङबाट विजयी भएका छन्। निर्वाचन आयोगले सार्वजनिक गरेको अन्तिम मतपरिणाम अनुसार भट्टराईले २९ हजार ४ सय ७९ मत ल्याउँदै विजयी भएका हुन्।
उनका प्रतिस्पर्धी नेपाली कांग्रेसका उम्मेदवार केशवप्रसाद दाहालले १६८८८ मत ल्याएका थिए। १४ हजार भन्दा बढी मतान्तरमा भट्टराईले दाहाललाई हराएका हुन्।
यस्तै प्रदेशसभा ‘क’ मा वामगठबन्धनका उम्मेदवार सुरेन्द्र साम्सोहाङ विजयी भएका छन्। उनले १५३१७ मत ल्याएर विजयी भएका हुन्। उनले कांग्रेसकी लिलादेवी बोखिमलाई हराएका हुन्। बोखिमले १० हजार ९७४ मत ल्याएकी थिइन्।
प्रदेशसभा ‘ख’ मा पनि वाम गठबन्धनकै माओवादी उम्मेदवार टंक आङ्बुहाङ विजयी भएका छन्। उनले १२ हजार १९८ मत ल्याएका थिए। उनका निकटतम् प्रतिद्वन्द्वी नेपाली कांग्रेसका दीपेन्द्र कुमार सेन्दाङ७५८७ मत ल्याएका थिए।
भट्टराई २०६४ र २०७० को संविधानसभा चुनावमा काठमाडौबाट पराजित भएपछि ताप्लेजुङ आएका थिए।
