यादवबाहेक राजपाका सबै शीर्ष नेताहरू अगाडि

भानुभक्त

काठमाडौं,मंसिर २३(सेतोपाटी)

राजपा अध्यक्ष मण्डलका राजकिशोर यादव बाहेक सबै नेताहरुले अग्रता लिएका छन्।

राजपा अध्यक्ष मण्डलका महन्थ ठाकुरले महोत्तरी ३ मा अग्रता लिएका छन्। ठाकुरले ३ हजार २ सय ३४ मत पाएका छन्।
उनलाई पछ्याइरहेका वाम गठबन्धनका एमाले उम्मेदवार विजयकुमार चौधरीले १ हजार ५ सय ४० मत पाएका छन्।

राजपा अध्यक्ष मण्डलका राजेन्द्र महतोले धनुषा क्षेत्र नम्बर ३ मा अग्रता लिएका छन्। महतोले नेपाली कांग्रेसका विमलेन्द्र निधिलाई पछि पारेका छन्।

महतोले २० हजार ४३ मत पाएका छन् भने निधिले १८ हजार ३ सय ४० मत ल्याएका छन्।

राजपा अध्यक्ष मण्डलका अर्का सदस्य शरतसिंह भण्डारीले पनि महोत्तरी २ मा अग्रता लिइरहेका छन्। भण्डारीले ५ हजार ६ सय ८४ मत पाएका छन्। उनलाई पछ्याइरहेकी कांग्रेसकी किरण यादवले २ हजार ५ सय २९ मत ल्याएकी छन्।

राजपा अध्यक्ष मण्डलका अर्का नेता महेन्द्र यादवले सर्लाही -२ मा अग्रता लिएका छन्। यादवले ३ हजार ७ सय ६७ मत पाएका छन् उनका प्रतिष्पर्धी कांग्रेसका जंगीलाल रायले २ हजार ९ सय ७ मत ल्याएका छन्।

राजपा अध्यक्ष मण्डलका अर्का सदस्य अनिल झाले रौतहट -१ बाट अग्रता लिएका छन्। उनलाई पछ्याइरहेका नेपाली कांग्रेसका कृष्णप्रसाद यादवले ११ हजार १ सय ९ मत ल्याएका छन्।

राजपा अध्यक्ष मण्डलका अर्का सदस्य राजकिशोर यादव भने दोश्रो स्थानमा रहेका छन्। सिराहा-४ मा यादवलाई वाम गठबन्धनका माओवादी उम्मेदवार अजयशंकर नायकले पछि पारेका छन्। नायकले ६ हजार ९ सय १३ मत ल्याएका छन् भने यादवले ५ हजार ९ सय २६ मत ल्याएका छन्।

प्रकाशित मिति: शनिबार, मंसिर २३, २०७४ १४:४२

सिफारिस