एमाले अध्यक्ष केपी शर्मा ओलीले आफूहरु नेपाली कांग्रेस मिलेर अघि बढ्ने बताएका छन्।
सोमबार निर्वाचित भएको प्रमाणपत्र लिन झापा पुगेका ओलीले सञ्चारकर्मीलाई प्रतिक्रिया दिँदै चुनावका बेला जेसुकै भने पनि कांग्रेससँग आगामी दिनमा मिलेर अघि बढ्ने बताए।
‘चुनाव प्रचारका क्रममा जे–जे भनेपनि कांग्रेस इतिहास बोकेको पार्टी हो, सो पार्टीका नेताहरू मेरा व्यक्तिगत मित्र पनि छन्। हामीले मिलेर संघर्ष गरेका छौं,’ ओलीले भने, ‘यो नतिजापछि पनि हामी लोकतन्त्रका आधारभूत कुरामा कांग्रेससँग मिलेर जान्छौं।’
ओलीले चुनावअघि समय अभाव भएर माओवादीसँग एकता गर्न नसकिएको र अब छिट्टै दुई पार्टी एक हुने बताए।
