प्रदेश सभा सदस्यको सपथका लागि प्रदेश ६ का प्रमुखसहित २४ जना सांसद नेपाली सेनाको हेलिकोप्टर लिएर सुर्खेत पुगेका छन्।
नेपालका सेनाका प्रवक्ता गोकुल भण्डारीका अनुसार प्रदेश प्रमुख दुर्गाकेशर खनाल र काठमाडौंमा रहेका छ नम्बर प्रदेशका २४ सांसद आइतबार बिहान एमआई १७ हेलिकोप्टर चार्टर गरेर सुर्खेत गएका हुन्।
उनीहरु सुर्खेत पुगिसकेका छन्। वीरेन्द्रनगरस्थित जिल्ला समन्वय समितिको हलमा प्रदेश सभा सदस्यको सपथ केहीबेरमा हुँदैछ।
