माओवादी केन्द्रका खेमकुमार बिक राष्ट्रिय सभा चुनावबाट विजयी हुने पहिलो उम्मेदवार भएका छन्।
निर्वाचन आयोगका प्रवक्ता नवराज ढकालले जानकारी दिएको जानकारीअनुसार बिक प्रदेश ४ बाट दलित कोटामा निर्वाचित भएका हुन्। उनले कांग्रेसका जितबहादुर नेपालीलाई हराएका हुन्।
चुनावबाट छानिने ५६ जना राष्ट्रिय सभा सदस्यमध्ये बुधबार ३२ सदस्यका लागि मतदान भएको थियो। प्रदेश २ बाहेकका सबै प्रदेशमा चुनाव भएको हो।
प्रदेश २ मा आठै सदस्य निर्विरोध भएकाले चुनाव गर्नु नपरेको हो।अन्य प्रदेशमा पनि विभिन्न कोटामा १६ जना निर्विरोध भएका थिए।
चुनाव भएका प्रदेशमा अहिले मतगणना जारी रहेको आयोगले जनाएको छ।
