प्रधानमन्त्री केपी शर्मा ओलीले काठमाडौंस्थित विदेशी कुटनीतिज्ञसँग मंगलबार छलफल गर्ने भएका छन्।
कुटनीतिज्ञहरूलाई नयाँ सरकारका नीति र प्राथमिकताबारे जानकारी दिन अपरान्ह १२ बजे बालुवाटार बोलाइएको प्रधानमन्त्रीको प्रेस संयोजक चेतन अधिकारीले जानकारी दिए।
छलफलको संयोजन परराष्ट्र मन्त्रालयले गरेको हो।
‘नयाँ सरकारका नीति र प्राथमिकताबारे कुरा हुन्छ,’ प्रेस संयोजक अधिकारीले भने, ‘कुटनीतिज्ञहरुले आफूखुसी प्रदेशमा गरेका भेटघाटलगायत विषयमा पनि छलफल हुन्छ।’
