भारतीय प्रधानमन्त्री नरेन्द्र मोदीको स्वागत गर्न प्रधानमन्त्री केपी ओली जनकपुर पुगेका छन्।
रक्षामन्त्री ईश्वर पोखरेलसहित केही मन्त्रीको साथमा प्रधानमन्त्री ओली जनकपुर पुगेका हुन्।
केहीबेर अघि जनकपुर पुगेका ओली अहिले मन्त्री तथा कार्यकर्तासँग छलफल गरिरहेका छन्।
जानकी मन्दिरमा प्रधानमन्त्री ओलीले भारतीय प्रधानमन्त्री मोदीलाई स्वागत गर्नेछन्।
जनकपुर आउन मोदी पनि दिल्लीबाट उडिसकेका छन्। केहीबेरमा मोदी जनकपुरमा अवतरण गर्नेछन्र
मोदी भ्रमणका लागि जनकपुरको सुरक्षा व्यवस्था कडा पारिएको प्रहरीले जनाएको छ।
'मोदीको कार्यक्रममा सहभागी हुन हजारौ सर्वसाधारण भेला भएका छन्। विमानस्थलदेखि जानकी मन्दिरमा कडा सुरक्षा व्यवस्था मिलाएका छौं,' नेपाल प्रहरीका डिआइजी ठूले राईले भने।
