अमेरिका र चीनले एक-अर्काका एयरलाइन्सले गर्ने उडानलाई आफ्नो देशमा प्रतिबन्ध लगाउन थालेका छन्।
समाचार संस्था रोयटर्सका अनुसार अमेरिकाको पारवहन मन्त्रालयले एयर चाइना, चाइना साउदर्न एयरलाइन्स, चाइना इस्टर्न एयरलाइन्सले न्युयोर्क र लसएन्जलसबाट गर्ने उडानलाई प्रतिबन्ध लगाएको छ।
यो प्रतिबन्ध सेप्टेम्बर ५ देखि २८ सम्म लागु हुनेछ।
कोरोनाको कारण देखाउँदै यसअघि चीनले अमेरिकाका डेल्टा र युनाइटेड एयरलाइन्सलगायतले चीनमा गर्ने केही उडान रद्द गरिदिएको थियो।
कोरोना महामारी सुरू भएसँगै चीन र अमेरिकाले एक-अर्काका उडानलाई प्रतिबन्ध लगाउँदै आएका छन्।
