नेपाली कांग्रेसका जीतनारायण श्रेष्ठले चितवन–२ मा हुने उप–निर्वाचनका लागि उम्मेदवारी दर्ता गरेका छन्।
उनले पार्टीका महामन्त्री विश्वप्रकाश शर्मासहित निर्वाचन अधिकृतको कार्यालय पुगेर उम्मेदवारी दर्ता गरेका हुन्।
श्रेष्ठलाई सत्तारुढ गतबन्धनमा रहेका नेकपा माओवादी केन्द्र, एकीकृत समाजवादीलगायतका दलहरुको पनि समर्थन छ। उनी पार्टीका पूर्व जिल्ला सभापति हुन्।
गत मंसिरमा भएको प्रतिनिधि सभाको निर्वाचनमा यस क्षेत्रमा कांग्रेस दोस्रो भएको थियो। कांग्रेसका उम्मेदवार उमेश श्रेष्ठले १४९८३ मत ल्याएका थिए।
विजयी भएका राष्ट्रिय स्वतन्त्र पार्टीका रवि लामाछानेले उनले भन्दा ३४२८१ बढी भोट ल्याएका थिए।
