आम जनता पार्टी नेपालका अध्यक्ष प्रभु साहले बारा २ मा आमजनता पार्टीको साझा उम्मेदवार जित्ने दाबी गरेका छन्।
शुक्रबार जनकपुरधाममा पार्टीको धनुषा भेलालाई सम्बोधन गर्दै उनले आफूहरूले दलतन्त्रको सिन्डिकेट उखेलेर फाल्ने बताए।
'बारा जिल्लामा आम जनताको साझा उम्मेदवारले जित्नेवाला छन्। तपाईंहरू ढुक्क हुनुहोस्। हामी दलतन्त्रको दलीय सिन्डिकेट उखेलेर फाल्न चाहन्छौं,' साहले भने, 'जहाँ पनि हेर्नुहोस्, जनता लाचार छन्। मुठ्ठिभर शासकले रजाइँ गर्दै देश लुट्ने काम गरिरहेका छन्। त्यसैले यो दलीयतन्त्र र सिन्डिकेट हटाउन आमजनता पार्टी लागिपरेको छ।'
आगामी उपनिर्वाचनमा आम जनता पार्टीले बारा–२ बाट अधिवक्ता अरूण ज्ञवालीलाई उम्मेदवार बनाएको छ।
