प्रधानमन्त्री शेरबहादुर देउवा भोलि हुने दोस्रो चरणको निर्वाचनमा मतदान गर्न अहिले गृहजिल्ला डडेल्धुरामा छन्।
उनले गन्यापधुरा गाउँपालिका–१ रुवाखोलामा रहेको असिग्राम माविमा भोट खसाल्ने कार्यक्रम छ।
त्यही मतदान केन्द्रमा प्रधानमन्त्रीका साथै अरु १० जना शेरबहादुर देउवाको पनि नामावली छ।
यो लहरमा प्रधानमन्त्री देउवाको नाम पत्ता लगाउन उनका बुवाआमाको नाम हेर्नु पर्छ। देउवामा बुवाको नाम प्रसाद सिंह देउवा र आमाको द्रोपती देउवा हो। प्रधानमन्त्री देउवाको नाम शेरबहादुरको लहरमा पाँचौं नम्बरमा छ।
