बाजुराको बुढीनन्दा नगरपालिकाको मत परिणाम सार्वजनकि भएको छ। अन्तिम मतपरिणाम अनुसार सो नगरको प्रमुखमा नेपाली कांग्रेसका पदम गिरी विजय भएका छन्। गिरीले ३२५० मत पाएका छन्।
उपमेयरमा भने एमालेकी सृष्टि रेग्मीले जित हात पारेकी छन्। रेग्मी ३२३६ मत ल्याएर विजयी भएकी हुन्।
बाजुराका ४ नगरसहित ९ स्थानीय तहमध्ये कांग्रेसले ६ मा जित हात पारेको छ। कांग्रेसले बढीमालिका, त्रिवेणी, बुढीगंगा र बुढीनन्दा नगरपालिकासहित हिमाली र छेडेदह गाउँपालिकामा जितेको छ।
नगरमा खाता खोल्न नसकेको एमालले तीन गाउँपालिका जितेको छ। एमालेले गौमुल, पाण्डवगुफा र स्वामीकार्तिक गाउँपालिकामा विजय हासिल गरेको हो।
