कैलालीको टीकापुर नगरपालिकामा रोचक जित हासिल गरेको नेकपा एमाले जिल्लाका थप दुई नगरपालिकामा पनि विजयी भएको छ।
मत परिणाम सार्वजनिक भएका लम्कीचुहा र घोडाघोडी नगरपालिकाको मेयरमा एमाले उम्मेदवार विजयी भएका हुन्। घोडाघोडी नगरको मेयरमा एमालेका ममताप्रसाद चौधरी विजयी भए भने उपप्रमुखमा प्रेमकुमारी थापाले जित हासिल गरिन्।
त्यस्तै लम्की चुहामा नगरपालिकाको प्रमुख र उपप्रमुख पनि नेकपा एमालेले जितेको छ। लम्की चुहाको प्रमुखमा एमालेका महादेव बजगाई र उपप्रमुखमा टीका थापा विजयी भएका हुन्।
