नयाँ शक्ति पार्टी छाडेका देवेन्द्र पौडेलसहित झण्डै २ सय नयाँ शक्तिका नेता कार्यकर्ता नेकपा माओवादी केन्द्र प्रवेश गर्ने भएका छन्।
पौडेलले बृहत ध्रुविकरण संयोजन समिति निर्माण गर्दै भदौ २ गते नयाँ शक्ती पार्टी फुटाएका थिए। उनीसँगै विगतमा माओवादी छाडेर नयाँ शक्तिमा लागेका बामदेव क्षेत्री, महेन्द्र पासवान, कुमार पौडेल, मुक्ति प्रधान लगायतका नेता माओवादी फर्कन लागेका हुन्।
नेकपा माओवादीका अध्यक्ष पुष्पकमल दाहालले दिउँसो एक कार्यक्रम मार्फत उनीहरुलाई पार्टी प्रवेश गराउन लागेका हुन्। कोटेश्वरको गौरीशंकर पार्टी प्यालेजमा ध्रुविकरण संयोजन समिति र नेकपा माओवादी केन्द्रबीच एकता हुन लागेको हो।
