म्यादी प्रहरी संघर्ष समितिले म्यादीलाई प्रदेशका ४० हजार प्रहरीमा भर्ना नगरे सरकारका विरुद्ध कडा आन्दोलनमा उत्रने चेतावनी दिएको छ ।
भक्तपुरमा आयोजित साक्षात्कार कार्यक्रममा म्यादी प्रहरी संघर्ष समितिका संयोजक कपिल थापाले यस्तो चेतावनी दिएका हुन् । उक्त कार्यक्रममा करीब डेढ सयको हाराहारीमा म्यादीहरू सहभागी भएका थिए ।
अहिलेका म्यादीहरू प्रहरीमा जागिर गर्न योग्य हुनुका साथै सरकारले भएका सरकारले म्यादीलाई प्रहरी सरहको तालिम र रासन भत्ता समेत दिइसकेको कारण अब म्यादीलाई प्रहरीमा समायोजन गर्नुपर्ने उनीहरूको माग छ । यदि सरकारले तत्काल आफूहरूका माग पूरा नगरेर देशभरका म्यादी प्रहरीहरूलाई संगठित गर्ने भन्दै संयोजक थापाले यसका लागि तयारी भएर बस्न कार्यक्रममा सहभागी म्यादीहरूलाई निर्देशन समेत दिए ।
सरकारले स्थानीय तहको निर्वाचनका लागि गत वैशाखमा देशभरमा म्यादी प्रहरीमा भर्ना लिएको थियो ।
