प्रदेश नम्बर दुईका १३६ स्थानीय तहमध्ये १३५ मा मतगणना भइरहेको निर्वाचन आयोगले जनाएको छ।
राजविराज नगरपालिकाबाहेक सबै स्थानीय तहमा मतगणना जारी रहेको आयोगका प्रवक्ता नवराज ढकालले जनाएका छन्।
राजविराज नगरपालिका वडा नं. १५ का राष्ट्रिय जनता पार्टीका वडाध्यक्षका उम्मेदवारको निधन भएका कारण यहाँ मतदान स्थगित भएको थियो।
यो वडामा बिहिबार मतदान भएपछि मात्रै राजविराज नगरपालिकाको मतगणना सुरू हुने ढकालले बताए।
