दुई नम्बर प्रदेशको एक मात्रै महनगरपालिका वीरगन्ज महानगरपालिकामा राष्ट्रिय जनता पार्टी नेपालले अग्रता बढाउँदै लगेका छ। ताजा परिणाम अनुसार राजपाबाट मेयरका उम्मेदवारले २०१४ मत ल्याउँदा उपमेयरका उम्मेदवारले १९५८ मत ल्याएका छन् ।
वीरगन्जमा नेपाली कांग्रेस राजपालाई पछ्याउँदै छ। यहाँ कांग्रेसबाट मेयरका उम्मेदवारले १७८९ मत ल्याउँदा उपमेयरका उम्मेदवारलाई १८८९ मत आएको छ ।
तेस्रो नम्बरमा रहेको संघीय समाजवादी फोरमका मेयर उम्मेदवारले ९४६ मत ल्याएका छन् भने उपमेयरका उम्मेदवारले ८३० मत ल्याएका छन् ।
चौथो नम्बरमा नेकपा एमाले छ। एमालेका मेयरका उम्मेदवारको पक्षमा ६११ र उपमेयरलाई ७२० मत खसेको छ । त्यसैगरी लोकतान्त्रिक फोरमका मेयरका उम्मेदवारले ५१६ र उपमेयरका उम्मेदवारले ४३१ मत ल्याएका छन् ।
