धनुषाको बटेश्वर गाउँपालिकामा एमालेले जित हात पारेको छ। हालै सार्वजनिक भएको मत परिणाम अनुसार धनुषाको बटेश्वर गाउँपालिका अध्यक्षमा एमालेका डम्बर बहादुर राउत २ हजार ३ सय ७७ मत ल्याई विजयी भएका हुन्।
उनका निकटतमप्रतिद्वन्द्वी कांग्रेसका रामअशिष महतो २३०३ मत ल्याए ।
त्यस्तैगरी उपाध्यक्षमा एमालेकै प्रमिला देवी २ हजार २ सय ९० मत ल्याई विजयी भएकी छन् । निकटतम प्रतिद्वन्द्वी कांग्रेसकी जनारसीदेवीले २ हजार १ सय ९६ मत ल्याइन् ।
बटेश्वर गाउँपालिकाको १ र ५ को वडाध्यक्षमा कांग्रेस विजयी भएको छ ।
त्यस्तै एमालेले ३ र ४ र नेकपा माओवादीकेन्द्रले २ वडामा जित हासिल गरेको छ।
यसअघि एमालेले सप्तरीको सप्तकोसी नगरपालिकाको मेयर र उपमेयर दुवै पदमा एमाले विजयी भएको थियो।
