दुई नम्बर प्रदेशको एक मात्रै महनगरपालिका वीरगन्ज महानगरपालिकामा फेरि राष्ट्रिय जनता पार्टीले अग्रता लिएको छ।
केहीबेर अघि राजपालाई उछिनेको कांग्रेस फेरि ७ मतले पछि परेको छ।
बुधबारसम्म राजपाले अग्रता लिएको वीरगन्जमा गएराति कांग्रेसले उछिनेको थियो।
हालै सार्वजनिक भएको मतगणनाको ताजा मत परिणाम अनुसार राजपाका उम्मेद्वारले २४०९ मत पाएका छन्। उनी नेपाली कांग्रेसका मेयर उम्मेद्वार भन्दा मात्र ७ मतले अगाडि छन्।
यस्तै तेस्रो स्थानमा रहेको संघीय समाजवादी फोरमका उम्मेद्वारले १६४६ मत ल्याएर पछ्याइरहेका छन्। चौथो स्थानमा रहेको माओवादी १३७० मतसहित पछ्याइरहेका छन्। एमाले चौथो र लोकतान्त्रिक फोरम पाँचौ स्थानमा छन्।
यस्तै उपमेयरमा भने नेपाली कांग्रेसले फराकिलो अग्रता बनाएको छ। नेपाली कांग्रेसले २७०९ मत ल्याउँदा राजपाले२२०८ मत ल्याएको छ।
तेस्रो स्थानमा रहेको फोरम नेपालका उपमेयर उम्मेद्वारले १६४५ मत ल्याएकी छन्। माओवादीले १ हजार ३ सय ७० मत ल्याउँदा एमालेले १ हजार २ सय ३३ मत ल्याएको छ।
