वर्षासँगै परेको चट्याङ्ग लागेर महोत्तरीको मनरासिस्वा नगरपालिकामा दुई जनाको मृत्यु भएको छ।
मृत्यु हुनेमा मनरासिस्वा वडा नं ४ साढा गाउँका प्रेमशिला देवी र वडा नं ५ कटैया गाउँका विशेश्वर राय छन्।
जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टका अनुसार ५० वर्षीया देवीको घरनजिकै खेतमा राखिएको धानको बिउमा मल राखिरहँदा र ८० वर्षीय रायको गाउँ नजिक भैंसी चराउँदै गरेका अवस्थामा आज बिहान परेको चट्याङ्ग लागेर घटनास्थलमा नै मृत्यु भएको थियो।
