धनुषामा टिपरको ठक्करबाट युवकको मृत्यु भएको आरोपमा चालकलाई पक्राउ गरिएको छ।
प्रहरीले घटनामा संलग्न रहेको आरोपमा ना१८ख १२७५ नंको टिपरका चालक नागेन्द्र यादवलाई पक्राउ गरेको हो।
जिल्ला प्रहरी कार्यालयका अनुसार जनकपुरधाम उपमहानगरपालिका-१ मा लक्ष्मीनियाँ गाउँपालिका सपहीका १८ वर्षीय राजु यादवको मृत्यु भएको थियो।
मृतक यादव टिपरका कामदार हुन्। उनका भाइ झगरु यादवले राजुको टिपरले किचेर हत्या गरेको आरोप लगाएका छन्।
घटनाबारे अनुसन्धान भइरहेको प्रहरी नायब उपरीक्षक जितेन्द्रकुमार बस्नेतले जानकारी दिए।
यादवको शव परीक्षणका लागि प्रादेशिक अस्पताल जनकपुरमा राखिएको छ।