प्रहरीले एक किलो आठ ग्राम अवैध सुनसहित एक जनालाई पक्राउ गरेको छ।
जिल्ला प्रहरी कार्यालय, कास्की तथा वडा प्रहरी कार्यालय गगनगौडाबाट खटिएको संयुक्त टोलीले पोखरा महानगरपालिका-३० पावरहाउसमा जाँचका क्रममा रमेश सुनारलाई सुनसहित पक्राउ गरेको हो।
काठमाडौंबाट पोखरातर्फ आउँदै गरेको माइक्रो बसमा सवार पोखरा-१५ रामबजारका २५ वर्षीय रमेशलाई चारपाटे बिस्कुट आकारको एक किलो आठ ग्राम सुनसहित पक्राउ गरिएको कास्की प्रहरीका प्रवक्ता प्रहरी नायब उपरीक्षक सुन्दर तिवारीले जानकारी दिए।
उनीबाट विभिन्न बैंकका तीन थान चेकबुकसमेत बरामद गरिएको प्रहरीले जनाएको छ।
उनीमाथि अनुसन्धान गर्न राजस्व अनुसन्धान विभाग हरिहर भवन ललितपुर पठाइएको छ।
