कर्णाली प्रदेशमा ६९ प्रतिशतले कोरोना भाइरसविरूद्ध खोपको दोस्रो मात्रा लगाएका छन्।
प्रदेश स्वास्थ्य निर्देशनालयका अनुसार नौ लाख ७३ हजार ६४८ जनाले खोपको दोस्रो मात्रा लगाएका हुन्।
हालसम्म खोपको पहिलो मात्रा ७० प्रतिशतले लगाएका छन्।
निर्देशनालयका सूचना अधिकारी पदम केसीले एक लाख सात हजार ६८१ ले बुस्टर डोज लगाएको जानकारी दिए।
हाल सबै जिल्लामा कोरोनाविरूद्धको खोप अभियान जारी छ। कर्णालीमा कोभिसिल्ड, एस्ट्राजेनिका, भेरोसेल, फाइजर, मोडर्ना र जोनसन खोप दिइएको छ।
पछिल्लो समय कर्णालीमा कोरोना संक्रमण दर न्यून छ। हाल प्रदेशमा सक्रिय संक्रमितको संख्या २६ रहेको छ।