लन्डनको हेजबाट एक नेपाली बेपत्ता भएका छन्।
लन्डनमा बस्दै आइरहेका २४ वर्षीय रिदम पोखरेल गत मे २९ देखि बेपत्ता भएको हिलिन्डन प्रहरीले बताएको छ।
करिब एक महिना हुन लाग्दा पनि उनी भेटिएका छैनन्।
स्थानीय प्रहरीले सर्वसाधारणलाई उनको खोजीका लागि सहयोग गरिदिन आग्रहसहित सूचना सम्प्रेषण गरेको छ।
उनी पछिल्लो पटक बेलायतको डोबर भन्ने ठाउँमा देखिएका थिए।
त्यसैकारण डोबर हेर्ने केन्ट प्रहरी शाखाले पनि छुट्टै सूचना जारी गरी खोजीमा सघाउन भनेको छ।
उनका बारेमा कुनै जानकारी भए रिफरेन्स १०४/२१ जुलाई उल्लेख गरी १०१ मा प्रहरीलाई खबर गर्न भनिएको छ।
