फिल्म ‘कृ’को पोष्टर सार्वजनिक भएको छ। टौवा क्रियशनले तयार पारेको पोष्टरमा अनमोल र अदितीलाई रोमान्टिक अवतारमा प्रस्तुत गरिएको छ।
यसअघि, अनमोल केसीको मात्र तस्विर समावेश भएको पोष्टर सार्वजनिक भएको थियो। अनमोलको भिन्न अवतारले पनि यो फिल्म अहिले निकै चर्चामा रहेको छ।
फिल्मको ट्रेलर शुक्रबार सार्वजनिक हुने निर्माण पक्षले बताएको छ।
सुरेन्द्र पौडेलको निर्देशन रहेको फिल्मलाई सुवास गिरिले निर्माण गरेका हुन्। फिल्ममा अनमोल र अदितीबाहेक सरोज खनाल, रुपा राना, अनुपविक्रम शाही, कामेश्वर चौरासिया लगायतका कलाकारको मूख्य भूमिका छ।
फिल्म माघ २६ गते प्रदर्शन हुने तयारीमा छ।
