अभिनेत्री बिना थापाको सडक दुर्घटनामा निधन भएको छ। बुधबार काठमाडौंको बत्तीसपुतलीमा बा २ ख ८९४ नम्बरको पानी ट्याङ्करले उनको स्कुटरलाई ठक्कर दिँदा उनको निधन भएको हो।
ट्याङ्करको ठक्करबाट गम्भीर घाइते भएकी थापाको वीर अस्पतालमा उपचारका क्रममा मृत्यु भएको हो।
गुल्मी मुसिकोटकी २७ वर्षीया बिना कलाकारिता क्षेत्रमा क्रियाशील रहँदै आएकी थिइन्।
‘डिभोर्स’, ‘उर्वशी’, ‘पिँजडा ब्याक अगेन’ लगायतका चलचित्रमा अभिनय गरेकी उनी केही नाटक र सांस्कृतिक कार्यक्रममा पनि सक्रिय थिइन्।
