कार्टुन क्रृउकाे म्युजिक भिडियोमा अभिनेत्री प्रियंका कार्कीले अभिनय गरेकी छन्। उनकाे अभिनय रहेकाे ‘माछीले खाने खोलीको लेऊ’ बोलको नयाँ म्युजिक भिडियोमा सार्वजनिक भएकाे हाे।
कार्टुन्ज क्रुका आश्मा विश्वकर्मा र सरोज अधिकारीको साथमा प्रियंकाकाे दाेस्राे भिडियाे हाे। यसअघि, फिल्म पुरानो डुंगा को ‘नीर जैले रिसाउने’ बोलको गीतमा उनीहरु सँगै फिचरिङ भएका थिए।
सार्वजनिक भिडियोमा प्रियंका, आश्मा र सरोजको त्रिकोणात्मक प्रेमलाई कलात्मक ढंगले प्रस्तुत गरिएको छ। कविराज गहतराजले कोरियोग्राफी रहेको भिडियोको सुदिप बरालले छायांकन गरेका हुन्। मेलिना राई र सरोज ओलीले गीतमा स्वर दिएका छन् भने गीतमा बसन्त सापकोटाले संगीत भरेका छन्। गीतमा दिनेश थपलियाको शब्द छ ।
गीत सार्वजनिकसँगै क्रुले भिडियोको लागि कभर डान्स प्रतियोगिता पनि खुलेको छ। सहभागी हुन चाहनेले मार्च अन्तिमसम्म भिडियाे बुझाउन पर्ने बताइएकाे छ। प्रतियोगिताको बिजेताले १ लाख रुपैयाँ पुरस्कार पाउने प्रस्तुतकर्ता शुभ मिडिया होमले जानकारी दिएको छ।
https://www.youtube.com/watch?v=aJEIGLrNDmU&feature=youtu.be
